ELETTEMIŠE REKINISTEMOHJELM

Rekinistemohjelm vuáđuduvá riehtiministeriö ive 2007 adelem ravvui párnáá elettemiše stuáruduv árvuštâlmân. Raavâ lii avžuuttâs já fáálá vástádâsâid iänááš tijpâláid elettemtiilijd.

1.12.2019 rääjist rekinistemohjelm heivii tiileest, mast páárnáš áásá nube vaanhim kulen. Vuáruaassâmtiileest rekinistemohjelm ij tááláá häämist tooimâ. Rekinistemohjelm tiävdám várás annojeh kuohtui vaanhimij tiäđuh. Jis tun halijdah kevttiđ rekinistemohjelmist finnim rekinistem tuu teivâdmist párnáákoccein, te printtii siijđo fáárun.

Vâi párnáá elettem visásmittoo meid kivkked šaddee eellimnubástusâin, te kannat toohâđ virgálii elettemsopâmuš talle-uv ko káidus- já aldavaanhim pasteh sooppâđ eeleetmist koskânis. Om. vädis ruásmuttumtiileest vaanhim ij kenski paste innig huolâttiđ elettemaašijn jiešráđálávt, ige veltihánnáá paste toohâđ elettemsopâmuškin. Kuittâg tuš párnáákoccee tâi rievti visásmittem elettemsopâmuš lii olášuttemtohálâš.

Rekinistemohjelmist láá valdum huámmášumán indeksnubástusah ihán 2022.